Gorka Knörr - Gogoaren taupadak (CD)

Arabako kantaria, kantagintzatik at urte asko eman ondoren, disko berri batekin datorkigu. "Gogoaren taupadak" izenekoa bere zazpigarren diskoa da, 1985. urtetik argitaratzen den lehena. Gorkak berak dioen moduan, toki askotako gizona da (jatorriz Alemaniarra, Tarragonan jaioa eta Euskalduna) eta disko honetan hori nabaria da, Euskal Herriari abesteaz gain, besteak beste, Eskozia eta Sarajevo ere gogoan izan baititu.

Lan malenkoniatsua, erromantikoa, beroa eta gustagarria duzu. Hamaika abestiz osatua, askatasun, elkartasun eta itxaropenezko hamaika oihu sakon.

Elkar, 2000/11